తెలంగాణలో గ్రూప్-1(Group 1) పరీక్షలు ఉత్కంఠ భరితంగా సాగాయి. ఒకవైపు అభ్యర్థులు పరీక్షలను వాయిదా వేయాలంటూ సుప్రీంకోర్టుకు వెళ్లి ధర్నాలు చేస్తున్న క్రమంలో ఇచ్చిన తేదీకే పరీక్షలు నిర్వహించడం జరిగింది. ఇంతటి హైటెన్షన్ వాతావరణంలో జరిగిన ఈ పరీక్షల ఫలితాల విడుదలకు టీజీపీఎస్సీ(TGPSC) ముహూర్తం ఫిక్స్ చేసింది. మార్చి 10 నుంచి 18 మధ్య గ్రూప్-1, 2, 3 ఫలితాలను వెల్లడించనున్నట్లు టీజీపీఎస్సీ ఛైర్మన్ వెంకటేశం వెల్లడించారు.
ఇందులో భాగంగానే మార్చి 10న గ్రూప్-1 ఫలితాలు విడుదల కానున్నాయి. ఈ పరీక్షల మూల్యాంకన ప్రక్రియ ముగిసింది. అభ్యర్థులు సాధించిన మార్కుల ఆధారంగా 1:2 నిష్పత్తిలో మెరిట్ జాబితాను ప్రకటించడానికి టీజీపీఎస్సీ(TGPSC) తుది పరిశీలనలు కొనసాగిస్తోంది. షెడ్యూల్ ప్రకారం చూసుకుంటే.. మార్చి 10న గ్రూప్-1 ఫలితాలు విడుదల కానున్నాయి. అదే రోజు అభ్యర్థుల ప్రొవిజినల్ మార్కుల వివరాలను వెల్లడవుతాయి. ఆ తర్వాత అభ్యర్థుల సర్టిఫికెట్ వెరికేషన్ ప్రక్రియ ఉంటుంది. మార్చి 11న గ్రూప్-2 జనరల్ ర్యాంకింగ్ జాబితాను అనౌన్స్ చేస్తారు. 14న గ్రూప్-3 జనరల్ ర్యాంకింగ్ జాబితాను కమిషన్ వెల్లడిస్తుంది. మార్చి 17న హాస్టల్ వెల్ఫేర్ ఆఫీసర్, 19న ఎక్స్‌టెన్షన్ ఆఫీసర్ తుది ఫలితాలు విడుదల చేస్తారు.
Read Also: రేవంత్ మొద్దు నిద్ర వీడాలి..హరీష్ రావు
Follow Us : Google News, Twitter, Share Chat
