టాలీవుడ్ డైరెక్టర్ సుకుమార్ రంగస్థలం సినిమాతో మంచి హిట్ పొందారు, అయితే ఇప్పుడు మళ్లీ మెగా హీరోతో ఆయన సినిమా చేస్తున్నారు. అల్లు అర్జున్ హీరోగా పుష్ప అనే సినిమా చేస్తున్నారు సుకుమార్. ఈ సినిమా గంధపు చెక్కల స్మగ్లింగ్ నేపథ్యంలో తెరకెక్కనుంది. ఇందులో మాస్ గా కనిపించనున్నాడు బన్నీ.
ఈసినిమాలో పుష్పక్ నారాయణ్ అనే లారీ డ్రైవర్ పాత్రలో కనిపించనున్నాడు అల్లు అర్జున్.
తెలుగు- తమిళ- కన్నడ- మలయాళ భాషల్లో ఈసినిమా రిలీజ్ కానుంది, పాన్ ఇండియా సినిమాగా ఇది వస్తోంది, ఈ సినిమాలో తెలుగు సీనియర్ నటులు అలాగే తమిళ- కన్నడ సీనియర్ నటులు కూడా నటించనున్నారు అని తెలుస్తోంది.
తమిళ్ హీరో విజయ్ సేతుపతి కీలక పాత్రలో కనిపించనున్నాడని వార్తలు వచ్చాయి. అనుకోని కారణాల వల్ల ఈ సినిమా నుంచి ఆయన తప్పుకున్నాడు. ఇక ఈ పాత్రకోసం తాజాగా మరో హీరోని ఫైనల్ చేశారు అని వార్తలు వినిపిస్తున్నాయి…తాజాగా స్టార్ హీరో మాధవన్ పేరు వినిపిస్తుంది. విజయ్ సేతుపతి ప్లేస్ లో మాధవన్ ను ఎంపిక చేశారట . అయితే ఇందులో ఫారెస్ట్ ఆఫీసర్ గా పవర్ ఫుల్ పాత్రలో మాధవన్ నటించనున్నారట..నవంబర్ 20 నుంచి సినిమా షూటింగ్ మొదలు పెట్టనున్నారు అని వార్తలు వస్తున్నాయి, మరి దీనిపై చిత్ర యూనిట్ ఇంకా ప్రకటన చేయాల్సి ఉంది.
