ఎంతో కష్టపడి రైతు పంట పండిస్తాడు కాని ఆ పంటని అమ్మడానికి తీసుకువెళ్లిన సమయంలో సరైన ధర మార్కెట్లో రాదు.. ఒక్కోసారి అసలు ఆ పంట తీసుకువెళ్లినా బండికి కూడా డబ్బులు రాని పరిస్దితి ఉంటుంది..మనం చూశాం చాలాసార్లు కిలో టమోటా రూపాయి అని అర్దరూపాయి అని దీంతో కడుపు మండి ఆ సరుకు రోడ్ల మీద పాడేస్తున్నారు రైతులు. ఇలాంటి గిట్టుబాటు ధరలేక రోడ్లపై చాలా మంది రైతులు పంటని వదిలేస్తున్నారు.
ఇప్పుడు కూడా ఇదే జరిగింది. ఉత్తరప్రదేశ్లోని పిలిభిత్లో జహానాబాద్ టౌన్కు చెందిన మహ్మద్ సలీమ్ తనకున్న పొలంలో క్యాలీఫ్లవర్ పంట పండించాడు.ఇక దానిని అమ్మాలి అని కోసుకువచ్చాడు, అయితే రిటైల్ 14 ఉంది దీంతో మార్కెట్లో 8 లేదా 9 వస్తుంది అని అనుకున్నాడు.
కానీ మార్కెట్లో రూపాయి మాత్రమే ఉండటంతో ఇక దానిని రోడ్డుమీద వదిలేశాడు…దాదాపు ఆ బాధను తట్టుకోలేక 10 క్వింటాళ్ల పంటను రోడ్డు పాలు చేశాడు. దీంతో వాటిని తీసుకునేందుకు జనం పెద్ద ఎత్తున ఎగబడ్డారు.
