కొంతమంది తీపిని ఎక్కువగా ఇష్టపడతారు. అధికంగా తింటే అనర్ధాలు తప్పవంటున్నారు ఆరోగ్య నిపుణులు. షుగర్ ఎక్కువగా తినడం వల్ల తొందరగా అనారోగ్యం పాలయ్యే అవకాశం ఉంది. శుద్ధి చేసిన చక్కర శరీరానికి హానికరం అనే విషయం గుర్తుంచుకోండి. కాబట్టి వీలైనంత తక్కువ షుగర్ తీసుకోవడం బెటర్. అలాగే వంట గదిలో తీపి పదార్ధాలు స్వీట్స్, చాక్లెట్స్ లేకుండా చూసుకోవాలి. తీపి అధికంగా తినే వారు వాటిని చూస్తే తినకుండా ఉండలేరు.
మనకు ఇష్టమైన స్వీట్ తిన్నప్పుడు మన శరీరంలో డోపమైన్ అనే ఎంజైమ్ విడుదల అవుతుంది. అప్పుడు మనిషికి మంచి అనుభూతి కలుగుతుంది. దీనితో పదే పదే తీపి తినాలని అనిపిస్తుంది. ఎక్కువగా తీపి తినకుండా ఉండడం వల్ల చర్మం కాంతివంతంగా అవుతుంది. అంతేకాదు బరువు తగ్గి ఎల్లప్పుడూ ఉత్సాహంగా ఉంటారు.
శరీరంలో చక్కర స్థాయి పెరగడంతో అనేక ఆరోగ్యపరమైన సమస్యలు వస్తాయి. అనేక రకాల గుండె సమస్యలు, షుగర్ వ్యాధుల నుండి ముంపు పొంచి ఉంటుంది. చక్కెర ఎక్కువ తినేవారు మానేయడం కష్టంగా అనిపిస్తే మెల్లమెల్లగా మానేయండి. దానివల్ల శరీరంలో చక్కెర స్థాయి క్రమక్రమంగా తగ్గుతుంది.