స్మార్ట్ఫోన్ అంటే ఒక వ్యక్తికి సంబంధించినంత వరకు లాకర్ లాంటిది. అందులో వైరస్ చేరడం అంటే ఇంట్లో దొంగలు పడటమే. తీరని నష్టం కలిగిస్తుంది. మీ స్మార్ట్ఫోన్కు వైరస్ సోకిందని అనుమానంగా ఉంటే..కచ్చితంగా ఆందోళన చెందాల్సిన విషయమే. అయితే మీ స్మార్ట్ఫోన్లో మాల్వేర్ ఉందా అనే విషయాన్ని తెలుసుకోవడం ఎలానో చూడండి.
కరోనా మహమ్మారి అనంతరం మన జీవితాల్లో స్మార్ట్ఫోన్ల పాత్ర మరింత కీలకంగా, క్రియాశీలకంగా మారింది. కుటుంబసభ్యులు, బంధువులు, స్నేహితులతో వాయిస్, వీడియో, మెసేజ్ల రూపంలో సందేశాలను పంపించుకోగలం. ఇంట్లోనే ఉండి ఆఫీస్ పని, షాపింగ్ చేసుకోవచ్చు. ఎంటర్టైన్మెంట్ పొందగలం. కాబట్టి ఫోన్లో వైరస్ సమస్య ఉంటే వెంటనే పరిష్కారం కోసం చూడాలి. లేదంటే తీరని నష్టం తప్పదు.
వైరస్, మాల్వేర్ బారిన పడకుండా ఉండాలంటే కచ్చితంగా కొన్ని రూల్స్ను పాటించాలి. యాప్ స్టోర్ లేదా గూగుల్ ప్లే స్టోర్ వంటి విశ్వసనీయ సోర్సెస్ నుంచే నమ్మదగిన యాప్లను మాత్రమే డౌన్లోడ్ చేయాలి. ఏదైనా యాప్ను డౌన్లోడ్ చేసే ముందు యూజర్ రివ్యూలను చదవాలి. ఆయా యాప్లు అడిగే అనుమతుల పట్ల అప్రమత్తంగా ఉండాలి.
ఎన్ని జాగ్రత్తలు తీసుకున్నా, అత్యుత్తమ విధానాలు పాటించినా..వైరస్ లేదా మాల్వేర్ మీ స్మార్ట్ఫోన్లోకి ప్రవేశించే అవకాశం ఉంది. ఫోన్లో వైరస్ ఉందని ఇలా తెలుసుకోవచ్చు..
మీ ఫోన్లో ఊహించని ఛార్జీలు కట్ అవుతున్నాయంటే వైరస్ సోకినట్లే లెక్క.
ప్రీమియం టెక్స్ట్ మెసేజ్లు, ఫోన్ కాల్స్ చేయడం, యూప్లో కొనుగోళ్ల ద్వారా హానికర యాప్లు ఆర్జిస్తాయి.
భరించలేని యాడ్లు దర్శనమిస్తుంటే స్మార్ట్ఫోన్ యాడ్వేర్ బారినపడిందని అర్థం చేసుకోవచ్చు.
క్రమంగా స్మార్ట్ఫోన్ పెర్ఫార్మమెన్స్ తగ్గిపోవడం.
బ్యాటరీ సామర్థ్యం, పనితీరు పడిపోవడం
