నైజీరియాలో జరిగిన కాల్పుల్లో సుమారు 43 మంది చనిపోయారు. ఆ దేశానికి వాయువ్య భాగంలో ఉన్న సొకోటో రాష్ట్రంలోని ఓ గ్రామ మార్కెట్లో ఆ ఘటన జరిగినట్లు రాష్ట్ర ప్రభుత్వ ప్రతినిధి ఒకరు తెలిపారు. ఇందుకు సంబంధించిన దర్యాప్తు కొనసాగుతున్నట్లు తెలిపారు.
తొలుత 30మంది చనిపోగా..20 మందికి తీవ్రగాయాలైనట్లు స్థానిక మీడియా తెలిపింది. సుమారు 200 మంది మార్కెట్లోకి వచ్చి అక్కడున్న వారిపై విచక్షణారహితంగా కాల్పులు జరిపినట్లు ప్రత్యక్షసాక్షులు చెప్పుకొచ్చారు. వీరంతా మోటార్ సైకిల్పై వచ్చారని పేర్కొన్నారు. నైజీరియాలోని ఇలాంటి నేరాలు తరుచూ వెలుగు చూస్తూనే ఉన్నాయి.