డార్లింగ్ ప్రభాస్ ‘రాధేశ్యామ్’ నుంచి కొత్త అప్డేట్ వచ్చేసింది. ఇప్పటికే తొలి గీతం అలరిస్తుండగా, రెండో సాంగ్ టీజర్ను సోమవారం (నవంబరు 29), ప్రేక్షకుల ముందుకు తీసుకొస్తున్నట్లు వెల్లడించారు. హిందీ వెర్షన్ మధ్యాహ్నం ఒంటి గంటకు, తెలుగు-తమిళ-కన్నడ-మలయాళ వెర్షన్ పాట టీజర్లను సాయంత్రం 7 గంటలకు రిలీజ్ చేయనున్నట్లు ప్రకటించారు.
ఈ పాటకు సంబంధించి పోస్టర్ ను రిలీజ్ చేశారు. ఈ పోస్టర్ లో ‘One Heart Two Heart Beats’ సాగే ఈ పాటను రిలీజ్ చేయనున్నారు. 1970ల నాటి ప్రేమకథతో తెరకెక్కుతున్న ఈ సినిమాలో ప్రభాస్ సరసన పూజాహెగ్డే హీరోయిన్గా చేసింది.
ఇందులో డార్లింగ్ హీరో పాలమిస్ట్గా (హస్తరేఖలు చూసి భవిష్యత్తు చెప్పే వ్యక్తి) నటించారు. ఇప్పటికే రిలీజైన టీజర్ అలరిస్తూ, సినిమాపై అంచనాల్ని పెంచుతోంది. సంక్రాంతి కానుకగా జనవరి 14న ప్రపంచవ్యాప్తంగా ‘రాధేశ్యామ్’ విడుదల కానుంది. ప్రభాస్ ప్రస్తుతం సలార్, ఆదిపురుష్ సినిమాలు చేస్తున్నాడు. అలాగే నాగ్ అశ్విన్ తో ఓ సినిమా, సందీప్ రెడ్డితో స్పిరిట్ మూవీని కూడా అనౌన్స్ చేసిన విషయం తెలిసిందే.
