కరోనా కొత్త వేరియంట్ ఒమిక్రాన్ చాపకింది నీరులా విస్తరిస్తుంది. తాజాగా ఆంధ్రప్రదేశ్లో ఒమిక్రాన్ మూడో కేసు నమోదైంది. తూర్పుగోదావరి జిల్లా అయినవిల్లి మండలం నేదునూరు పెదపాలెంకు చెందిన మహిళకు ఒమిక్రాన్ సోకినట్లు వైద్యారోగ్యశాఖ అధికారులు వెల్లడించారు. ఒమిక్రాన్ వచ్చిన మహిళను హోమ్ ఐసోలేషన్‌లో ఉంచినట్లు అదనపు డీఎంహెచ్‌వో వెల్లడించారు. విశాఖలోనూ ఒమిక్రాన్ కేసు నమోదైంది. ఈ నెల 15న దుబాయ్‌ నుంచి వచ్చిన వ్యక్తికి కూడా ఒమిక్రాన్ సోకింది. బాధితుడి ఆరోగ్య పరిస్థితి బాగానే ఉందని అధికారులు వెల్లడించారు. ఒమిక్రాన్ సోకిన వ్యక్తిని హోమ్ ఐసొలేషన్‌లో ఉంచామని తెలిపారు.
