టాలీవుడ్ ను కరోనా మహమ్మారి వదిలిపెట్టడం లేదు. ఇప్పటికే మంచు లక్ష్మి, మహేష్ బాబు, తమన వంటి ప్రముఖులు కరోనా బారిన పడగా తాజాగా బడా నిర్మాత బండ్ల గణేశ్ కరోనా బారినపడ్డారు. ఆదివారం ఈ విషయాన్ని ట్విట్టర్ వేదికగా వెల్లడించారు.
“గత మూడు రోజులు దిల్లీలో ఉన్నాను. ఈ సాయంత్రం కొవిడ్ పాజిటివ్ వచ్చింది. స్వల్ప లక్షణాలున్నాయి. ప్రస్తుతం ఐసొలేషన్లో ఉన్నాను. నా కుటుంబానికి మాత్రం నెగిటివ్ వచ్చింది. జాగ్రత్తగా ఉండండి. ప్రయాణాలు చేసే ముందు ఆలోచించండి.” అని బండ్ల ట్వీట్ చేశారు. కాగ, గణేశ్ కరోనా బారినపడటం ఇది మూడోసారి. ఫస్ట్వేవ్, సెకండ్ వేవ్లలోనూ ఆయనకు వైరస్ సోకింది.
