ప్రస్తుత రోజుల్లో బండి తీసుకొని రోడ్డు మీదకు వెళదామంటే ట్రాఫిక్ పోలీసుల భయం. రోడ్డుపైకి రాగానే పోలీసులు ఏ పక్క నుంచి వచ్చి ఆపి చలాన్ కట్టమంటారోనని సరిగా రోడ్డెక్కడం లేదు. దానితో పాటు పెరిగిన పెట్రోల్ ధరలతో సామాన్యులు బండి తీయడానికే జంకుతున్నారు. తాజాగా వాహనాదారులకు హైదరాబాద్ పోలీసులు శుభవార్త చెప్పారు. పెండింగ్ చలానాలు పెరిగిపోతున్న నేపథ్యంలో ఇటీవల హైదారాబాద్‌ సీపీ సీవీ ఆనంద్‌ ఆధ్వర్యంలో అధికారులు సమావేశమయ్యారు.
ఈ నేపథ్యంలో పెండింగ్‌లో ఉన్న చలానాలకు డిస్కౌంట్‌ ఇవ్వనున్నట్లు తెలిపారు. ఈ సందర్భంగా పోలీస్ శాఖ మార్చి 1 నుంచి 30వ తేదీ వరకు ప్రత్యేక డ్రైవ్ నిర్వహించనుంది. పెండింగ్ చలాన్లు క్లియర్ చేసేందుకు కొత్త ప్రతిపాదన పోలీస్ శాఖ అధికారులు తీసుకువచ్చారు.
పెండింగ్‌లో ఉన్న చలాన్‌లలో దాదాపు 85% సొసైటీలోని మధ్య/ దిగువ మధ్య/ పేద వర్గాలకు చెందిన 2 చక్రాల వాహనాలు/ఆటోలకు సంబంధించినవి కాబట్టి వాహన యజమానులు/డ్రైవర్లకు ఊరటనిచ్చేందుకు ఈ నిర్ణయం తీసుకోబడింది.
ద్విచక్ర వాహనాలకు, ఆటోలకు 25% చెల్లిస్తే, మిగిలిన 75% పెండింగ్‌లో ఉన్న చలాన్లు మాఫీ చేయబడతాయి.పుష్ కార్ట్‌లు మరియు చిన్న విక్రయదారులకు (39బి కేసులు) 20% చెల్లించినట్లయితే, మిగిలిన 80% మాఫీ చేయబడుతుంది.LMVలు, కార్లు, జీప్‌లు / భారీ వాహనాలకు 50% బ్యాలెన్స్ చెల్లిస్తే 50% మాఫీ చేయబడుతుంది.R TC డ్రైవర్లకు 30% బ్యాలెన్స్ చెల్లిస్తే 70% పెండింగ్ చలాన్ మొత్తం మాఫీ చేయబడుతుంది.
ఆన్‌లైన్, మీసేవా, ఆన్‌లైన్ గేట్‌వేల ద్వారా చెల్లింపునకు అవకాశం కల్పించనున్నారు. హైదరాబాద్, సైబరాబాద్, రాచకొండ పరిధిలో రూ.600 కోట్ల పైచిలుకు పెండింగ్ చలాన్లు ఉన్నట్లు సమాచారం.
మార్చి 1 నుండి పెండింగ్‌లో ఉన్న చలాన్‌ల క్లియరెన్స్ కోసం తెలంగాణ ఇ చలాన్ వెబ్‌సైట్‌లో లింక్ ఇవ్వబడుతుంది.ఈ సదుపాయాన్ని మార్చి 1 నుండి 31 మార్చి మధ్య ఉపయోగించుకోవచ్చు, అంటే పెండింగ్‌లో ఉన్న చలాన్‌లను క్లియర్ చేయడానికి ఒక నెల వ్యవధి ఇవ్వబడుతుంది. హైద్రాబాద్ ట్రై కమిషనరేట్‌లలో చలాన్లు పెండింగ్‌లో ఉన్న వాహనాలకు మాత్రమే ఈ సౌకర్యం ఇవ్వబడుతుంది.
