గతంతో పోల్చితే భారత్-పాక్ల మధ్య ఉద్రిక్తతలు తగ్గాయని అమెరికా అధ్యక్షుడు డొనాల్డ్ ట్రంప్ అన్నారు. తాను ఇరు దేశాలతో సంప్రదింపులు జరపాలని వారు ఒప్పుకుంటే కాశ్మీర్ విషయంలో మధ్యవర్తిత్వం వహించేందుకు తాను సిద్ధమని ట్రంప్ మరోసారి అన్నారు. ఈ విషయం భారత్ పాక్ ఇరు దేశాలకు తెలుసని.. వారి ఇష్టం అని ట్రంప్ అన్నాడు.
- Advertisement -
గతంలో పాక్ ప్రధాని ఇమ్రాన్ ఖాన్ అమెరికాలో జరిగిన భేటీ సందర్భంగా.. కాశ్మీర్ అంశంలో మధ్యవర్తిగా తాను సిద్ధమేనని ట్రంప్ చెప్పిన విషయం తెలిసిందే. ఈ నేపథ్యంలో భారత్ స్పందిస్తూ.. ఇది అంతర్గత వ్యవహారమని ఎవరి జోక్యం అవసరం లేదని ఘాటుగా స్పందించింది.
దీంతో కొంత తగ్గారు ట్రంప్. ప్రాన్స్ లో ఇటీవల జరిగిన జీ 7 సదస్సులో మోడీ, ట్రంప్ భేటీ అయ్యారు. ఈ సందర్భంగా ట్రంప్ మాట్లాడుతూ కాశ్మీర్ వాదాన్ని ఇరుదేశాలు చర్చల ద్వారా పరిష్కరించుకోవాలని మోడీకి సూచించారు.
