బాక్సర్ లవ్లీనా సంచలన ఆరోపణలు కలకలం రేపాయి. కామన్వెల్త్ క్రీడలకు సిద్ధమవుతున్న వేళ ఆమె ఆరోపణలు ఇప్పుడు చర్చనీయాంశంగా మారాయి. బాక్సింగ్ ఫెడరేషన్ ఆఫ్ ఇండియాకు చెందిన పలువురు అధికారులు తనను మానసికంగా వేధిస్తున్నట్లు తెలిపింది. ఈ విషయాన్ని సోషల్మీడియాలో పోస్ట్ చేసింది. ఒలింపిక్స్లో తాను మెడల్ సాధించడానికి ప్రోత్సాహించిన కోచ్లను మారుస్తూ తనను వేధిస్తున్నారని ఆవేదన వ్యక్తం చేసింది. తన కోచ్లను తిరిగి నియమించాలని కోరింది.
