Munugode Bypoll: 12వ రౌండ్‌లోనూ కారు జోరు..!

Munugode Bypoll Results Live Updates: మునుగోడు ఉపఎన్నిక ఫలితాల్లో కారు జోరుతో దూసుకుపోతుంది. 12వ రౌండ్ ఓట్ల లెక్కింపు ముగిసింది. ఈ రౌండ్‌లోనూ టీఆర్ఎస్ అభ్యర్థి కూసుకుంట్ల ప్రభాకర్ రెడ్డి ఆధిక్యతలో ఉన్నారు. 12 రౌండ్లు పూర్తయ్యేసరికి టీఆర్ఎస్‌ 7794 ఓట్లతో కొనసాగుతోంది. మొత్తంగా టీఆర్ఎస్ 81,825, బీజేపీ 74,225, కాంగ్రెస్ 21,218 ఓట్లతో కొనసాగుతున్నారు. టీఆర్ఎస్ విజయం దిశగా పయనిస్తోన్న క్రమంలో.. తెలంగాణ భవన్‌లో గులాబీ శ్రేణులు సంబరాలు చేసుకుంటున్నారు.బాణసంచా పేల్చి, నృత్యాలు చేస్తున్నారు. జై తెలంగాణ, జై కేసీఆర్, కేసీఆర్ జిందాబాద్, కేటీఆర్ జిందాబాద్ అంటూ నినాదాలు చేస్తున్నారు.డప్పు మోతలతో తెలంగాణ భవన్ ప్రాంతం గులాబీ మయంగా మారింది. అయితే.. కాసేపట్లో తెలంగాణ భవన్‌‌కు కేటీఆర్ చేరుకోనున్నాట్లు తెలుస్తుంది..