ఊర్వశి రౌతెలా(Urvashi Rautela).. తన అందాలతో కుర్రకారును కట్టుపడేసిన బాలీవుడ్ భామ. ఇటీవల తన తాజా సినిమా షూటింగ్ సమయంలో ఆమె చేతికి గాయమైంది. దీంతో ఆమె ఆసుపత్రికి వెళ్లింది. ఈ క్రమంలోనే తన చేతికి గాయమైందంటూ ఊర్వశి సోషల్ మీడియాలో ఓ పోస్ట్ పెట్టింది. తన త్వరగా కోలుకోవాలని ప్రార్థించాలంటూ అభిమానులను కోరింది. అది చూసిన ఆమె అభిమానులు తట్టుకోలేక పోయారు. అంతే తమ ప్రార్థనలను ఆమెకు పంపడం ప్రారంభించారు. తమ ప్రార్థనలకు చిహ్నంగా ఆమెకు గులాబీలు పంపారు. అయితే ఆమె అందుకున్న గులాబీలను చూసి ఆమెకు ఎంతమంది అభిమానులు ఉన్నారో అర్థమైపోతుంది. ఒకటి కాదు.. రెండు కాదు.. ఏకంగా లక్ష గులాబీలు ఆమెకు వెళ్లాయి. ఈ విషయాన్ని కూడా ఆమె సోషల్ మీడియా పోస్ట్ ద్వారా తెలిపారు. ఈ సందర్భంగానే తనపై కురిపించిన అభిమానానికి ధన్యవాదాలు తెలిపింది. మీ అభిమానానికి ఫిదా అయిపోయానంటూ చెప్పుకొచ్చింది.
ఇదిలా ఉంటే సినిమా షూటింగ్ సమయంలో గాయపడిన ఊర్వశి(Urvashi Rautela).. రక్తం కారుతున్న చేతి ఫొటోలను షేర్ చేసుకుంది. ఇప్పుడు లక్ష గులాబీలతో ఉన్న ఫొటోలను కూడా షేర్ చేసుకుంది. అయితే ఆమె గాయమైందంటూ పెట్టిన ఫొటోలపై నెటిజన్ల నుంచి మిశ్రమ స్పందన వస్తుంది. కొందరు అసలు ఊర్వశికి ఏమైందంటూ ఆందోళన వ్యక్తం చేస్తుంటే.. మరికొందరు మాత్రం పాపులారిటీ కోసం కొందరు ఇలానే చేస్తుంటారంటూ విమర్శలు చేస్తున్నారు. ఏది ఏమైనా ఊర్వశిపై అభిమానులు తమ అభిమానం చాటుకున్న తీరు ప్రస్తుతం తెగ వైరల్ అవుతోంది.
Read Also: స్మోకింగ్ మానేయాలనుకుంటున్నారా.. ఈ ఆహారం తినేయండి..
Follow us on: Google News, Twitter, ShareChat
