ఇటీవల విడుదలై బంపర్ హిట్ అయిన సినిమా ‘స్త్రీ 2’(Stree 2). ఇందులో రాజ్ కుమార్ రావు, శ్రద్ధా కపూర్(Shraddha Kapoor) జంటగా నటించారు. తొలి రోజు నుంచి కూడా ఈ సినిమా కలెక్షన్లతో పాటు అభిమానుల ఆదరణ విషయంలో కూడా అదరగొడుతోంది. థియేటర్లలో విడుదలైన ఏకంగా రూ.870 కోట్లు రాబట్టింది. హారర్ కామెడీగా వచ్చిన ఈ సినిమా స్టార్ హీరోల సినిమాలను సైతం వెనక్కి నెట్టింది. తాజాగా ఈ సినిమా ఓటీటీలో కూడా అదరగొట్టేస్తోంది. ఓటీటీలో సైతం ఏమాత్రం తగ్గకుండా రెచ్చిపోతూ ఇక్కడ కూడా రికార్డ్‌లు సృష్టిస్తోందీ సినిమా.
అక్టోబర్ 10న ఓటీటీలోకి వచ్చిన ‘స్త్రీ 2’ తొలి రోజూు నుంచే వ్యూస్ విషయంలో దూసుకుపోతోంది. హిందీలో మాత్రమే అందుబాటులో ఉన్నా అభిమానులు మాత్రం భాషతో పనిలేనట్లే తెగ చూసేస్తున్నారు. ప్రస్తుతం ఈ సినిమా ఆల్ ఇండియా ట్రెండింగ్‌లో టాప్‌లో నిలిచింది. సెప్టెంబర్ చివర్లో రెంటల్‌ విధానంలో అందుబాటులోకి వచ్చింది. అక్టోబర్ 10న అమెజాన్ సబ్‌స్క్రైబర్లకు ఫ్రీగా అందుబాటులోకి వచ్చింది. దీంతో ఈ సినిమా వ్యూస్ భారీగా పెరిగాయి. ప్రస్తుతం ఆల్ ఇండియా లెవెల్లో స్త్రీ2(Stree 2) అదరగొట్టేస్తోంది.
