ఐకాన్ స్టార్ అల్లు అర్జున్ ప్రస్తుతం పుష్ప 2(Pushpa 2) సినిమా షూటింగ్‌లో ఫుల్ బిజీగా ఉన్నాడు. ‘పుష్ఫ: ది రైజ్’ సినిమాతో బాక్సాఫీస్‌ను బెంబేలెత్తించిన పుష్పరాజ్.. మరోసారి ‘పుష్ప2’తో ప్రేక్షకుల ముందుకు రావడానికి సిద్ధంగా ఉన్నారు. పుష్ప: దిరైజ్‌కు కంటిన్యూషన్‌గా వస్తున్న ‘పుష్ప 2’ ప్రస్తుతం ఆఖరు దశ పనిలో ఉంది. ఈ సినిమాకు సంబంధించి ఇంకా కొన్ని చిన్నచిన్న యాక్షన్ ఎపిసోడ్స్‌తో పాటు ఒక స్పెషల్ సాంగ్ చేయాల్సి ఉందని మూవీ టీమ్ నుంచి అందుతున్న సమాచారం. కానీ ఈ స్పెషల్ సాంగ్‌లో చిందేసే ముద్దుగుమ్మ ఎవరన్నది మాత్రం ఇంకా తేలలేదు. ఈ పాట కోసం ఇప్పటికే శ్రద్ధా కపూర్ సహా పలువురు బాలీవుడ్ భామలను కన్సల్ట్ అయ్యారట మూవీ మేకర్స్ కానీ బీటౌన్ నుంచి పెదవి విరుపే సమాధానం కావడంతో తిరిటా తెలుగు ముద్దుగుమ్మలను పరిశీలిస్తున్నట్లు సమాచారం.
ఈ క్రమంలోనే పుష్పరాజ్‌తో చిందేయడానికి మూవీ మేకర్స్ శ్రీలీలను ఫిక్స్ చేశారని తాజాగా సిరీ సర్కిల్స్‌ నుంచి వార్తలు వినిపిస్తున్నాయి. ఇప్పటికే స్పెషల్ సాంగ్ కోసం శ్రీలీలను కన్సల్ట్ కాగా.. అందుకు శ్రీలీల(Sreeleela) సానుకూలంగా స్పందించినట్లు సమాచారం. అతి త్వరలోనే పుష్ప 2(Pushpa 2) సెట్స్‌లో శ్రీలీల చిందేయనుందని మూవీ టీమ్ చెప్తోంది. ఈ స్పెషల్ సాంగ్ కోసం రామోజీ ఫిల్మ్‌ సిటీలో స్పెషల్ సెట్ వేస్తున్నారు. ఈ పాట షూటింగ్‌తో ‘పుష్ప2’ పోస్ట్ ప్రొడక్షన్ పనుల్లోకి అడుగు పెడుతుందని, సంక్రాంతి బరిలో థియేటర్లను దద్దరిల్లే చేస్తుందని మూవీ టీమ్ ధీమాగా ఉంది.
Read Also: విమానాలకు ఆగని బెదిరింపులు.. ఆందోళనలో ప్రయాణికులు
Follow Us On: Google News, Twitter, ShareChat
