అక్షయ్ కుమార్(Akshay Kumar) హీరోగా ప్రదియదర్శన్ డైరెక్ట్ చేస్తున్న తాజాగా సినిమా ‘భూత్ బంగ్లా’. ఈ సినిమాలో వామిగా గబ్బి కథానాయికగా నటిస్తోంది. అంతేకాకుండా ఇందులో పరేష్ రావెల్, రాజ్‌పాల్ యాదవ్, అస్రానీ సహా పలువురు ప్రముఖులు కీలక పాత్రల్లో నటించనున్నారు. ఈ క్రమంలోనే మరో కీలక పాత్ర కోసం టబు(Tabu)ను సంప్రదించారు మూవీ టీమ్. కథ బాగా నచ్చడంతో టబు కూడా గ్రీన్ సిగ్నల్ ఇచ్చేశారు. రెపో మాపో ‘భూత్ బంగ్లా’ సెట్స్‌లోకి టబు కూడా ఎంట్రీ ఇవ్వనున్నారు. ఈ విషయాన్ని మూవీ టీమ్ పేర్కొంది. ఈ సినిమాను ప్రతి ప్రేక్షకుడు బాగా ఎంజాయ్ చేస్తాడని మూవీ టీమ్ ధీమాగా ఉంది.
అయితే 2000 సంవత్సరంలో వచ్చిన ‘హేరా పేరీ’ తర్వాత అక్షయ్, టబు(Tabu), ప్రియదర్శన్ కాంబోలో వస్తున్న మూవీ ఇదే. దాదాపు 24 ఏళ్ల తర్వాత వీరి కాంబోలో మరో సినిమా రానుండటంతో ఈ సినిమాపై భారీ అంచనాలు నెలకొన్నాయి. ఈ సినిమా కామెడీ హర్రర్‌గా తెరకెక్కనుందని అందరూ భావిస్తున్నారు. మరి చూడాలి ఈ సినిమా ఎంతలా ఆకట్టుకుంటుందో. ఈ సినిమాను(Bhooth Bangla) 2 ఏప్రిల్ 2026న విడుదల చేయాలని మేకర్స్ అనుకుంటున్నారు.
