అమెరికా(America)లో మంగళవారం సాయంత్రం ఘోర రోడ్డు ప్రమాదం జరిగింది. ఈ ఘటనలో అమలాపురం(Amalapuram)కి చెందిన ఐదుగురు మృతి చెందారు. మృతులు ముమ్మిడివరం వైసీపీ ఎమ్మెల్యే పొన్నాడ సతీష్(Ponnada Sathish) బంధువులని తెలుస్తోంది. పొన్నాడ సతీష్ బాబాయి పొన్నాడ నాగేశ్వరరావు కుటుంబ సభ్యులుగా గుర్తించినట్లు సమాచారం. దీంతో ఎమ్మెల్యే పొన్నాడ ఇంట విషాదఛాయలు అలుముకున్నాయి. ఒకేసారి ఐదుగురు దుర్మరణం చెందడంతో బంధువులంతా కన్నీటి పర్యంతం అవుతున్నారు.
కాగా, అమెరికాలోని టెక్సాస్ హైవే లో ఈ రోడ్డు ప్రమాదం చోటు చేసుకుంది. ఈ ప్రమాదంలో పొన్నాడ నాగేశ్వరరావు, ఆయన భార్య సీతా మహాలక్ష్మి, కుమార్తె నవీన, మనవడు, మనవరాలు మృతి చెందారు. పొన్నాడ నాగేశ్వరరావు అల్లుడికి తీవ్ర గాయాలయ్యాయి. దీంతో ఆయనను మెరుగైన చికిత్స కోసం ఆసుపత్రికి తరలించారు. పొన్నాడ నాగేశ్వరరావు అమలాపురం(Amalapuram)లోని టింబర్ డిపో నిర్వహిస్తున్నారు. రెండు నెలల క్రితం అమెరికాలోని తన కూతురి ఇంటికి వెళ్ళినట్టు స్థానిక సమాచారం.
Read Also: ప్రజాపాలన లోగో విడుదల.. మా లక్ష్యం ఇదే అంటోన్న సీఎం
Follow us on: Google News, Koo, Twitter, ShareChat
