ముద్దుల వీడియోపై ఎమ్మెల్సీ అనంతబాబు క్లారిటీ

వైరల్ అవుతున్న తన అభ్యంతరకర వీడియోపై వైసీపీ ఎమ్మెల్సీ అనంతబాబు(Ananth Babu) స్పందించారు. ఆ వీడియోలో అనంతబాబు ఎవరికో ముద్దులు పెడుతూ కనిపించారు. తాను ఏ తప్పూ చేయలేదన్నారు. తనపై కొందరు కక్షపూరితంగా ఇలాంటి చర్యలకు పాల్పడుతున్నారని ఆరోపించారు. వైరల్ అవుతున్నది మార్ఫింగ్ వీడియోని, హనీట్రాప్ చేసిన తనను ఇరికిస్తున్నారంటూ చెప్పుకొచ్చారు. ‘‘గతంలో ఓ అబ్బాయి పుట్టినరోజు సందర్భంగా వీడియో కాల్ మాట్లాడుతూ చిన్న పిల్లలకు ముద్దు పెట్టాను. దానిని ఇప్పుడు మార్ఫింగ్ చేసి వైరల్ చేస్తున్నారు. గత ఆరునెలలుగా ఇలానే మార్ఫింగ్ వీడియోలతో నన్ను బ్లాక్ మెయిల్ చేస్తున్నారు’’ అని అనంతబాబు చెప్పారు.

తనను బ్లాక్‌మెయిల్ చేస్తున్నారంటూ గతంలోనే అల్లూరి సీతారామరాజు జిల్లా అడ్డతీగల పోలీస్‌స్టేషన్‌లో అనంతబాబు ఫిర్యాదు చేశారు. ఇప్పుడు ఈ వీడియో వైరల్ కావడంతో మరోసారి పోలీసులను ఆశ్రయించారు అనంతబాబు(Ananth Babu). ఈ సందర్బంగా రంపచోడవరం ఇంఛార్జ్ ఏఎస్పీ మాట్లాడుతూ.. సమగ్ర విచారణ కోసం పూర్తి సమాచారం అందించాలని ఎమ్మెల్సీని కోరినట్లు చెప్పారు. ఆ వివరాలు వచ్చిన వెంటనే విచారణ ప్రారంభిస్తామని వివరించారు.

Read Also: 2036 టార్గెట్ ఫిక్స్ చేసిన రేవంత్