Ap Weather Report: ఏపీలో భారీ వర్షాలు.. అమరావతి వాతావరణ కేంద్రం

Ap Weather Report chance to rains in Coastal Andhra and Rayalaseema areas: ఏపీలో భారీ వర్షాలు కురవనున్నాట్లు అమరావతి వాతావరణ కేంద్రం తెలిపింది. డిసెంబర్ 4న దక్షిణ అండమాన్ సముద్రంలో ఉపరితల ఆవర్తనం ఉద్భవిస్తుందని.. ఈ ప్రభావంతో డిసెంబర్ 5 న దక్షిణ అండమాన్‌ సముద్రం, ఆగ్నేయ బంగాళాఖాతంలో అల్పపీడనం ఏర్పడుతుందని.. ఈ అల్పపీడనం పశ్చిమ వాయువ్యంగా పయనించి డిసెంబర్ 7లోపు ఆగ్నేయ బంగాళాఖాతంలో వాయుగుండంగా మారనున్నదని వాతావరణ శాఖా వెల్లడించింది. కాగా.. డిసెంబర్ 8 నాటికి తమిళనాడు, పుదుచ్చేరి తీరం దిశగా రానున్నదని వాతావరణ శాఖ అధికారులు తెలిపారు. ఈ ప్రభావంతో డిసెంబర్ 8,9 తేదీల్లో కోస్తా, రాయలసీమల్లో వర్షాలు కురిసే అవకాశం వుందని వాతావరణ నిపుణులు తెలిపారు.