Explosion at apex casting company in gannavaram: గన్నవరం కాటా సమీపంలో ఉన్న అపెక్స్‌ కాస్టింగ్‌ కంపెనీలో పేలుడు జరగగా.. నలుగురు తీవ్రంగా గాయపడ్డారు. గాయపడిన వారిలో ముగ్గురి పరిస్థితి విషమంగా ఉన్నట్లు తెలుస్తోంది. బాధితులను విజయవాడ ఎన్‌ఆర్‌ఐ ఆసుపత్రికి తరలించారు. నిన్న మధ్యాహ్నం 3 గంటల సమయంలో ఈ ఘటన జరగగా.. గోప్యంగా ఉంచేందుకు ఫ్యాక్టరీ యాజమాన్యం ప్రయత్నించింది. ఇనుమును కరిగించే క్రమంలో.. పేలుడు సంభవించినట్లు తెలుస్తోంది. పేలుడుపై ప్రత్యేక బృందాలు దర్యాప్తు చేపట్టాయి. ఘటనపై పోలీసులు కేసు నమోదు చేసుకొని, దర్యాప్తు చేపట్టారు.
- Advertisement -
