వివాదాస్పద దర్శకుడు రామ్ గోపాల్ వర్మ(RGV) పరారీలో ఉన్నాడని, ఆయన కోసం ఆంధ్రప్రదేశ్ పోలీసులు గాలింపులు చేపట్టారంటూ రెండు రోజులు వార్తలు మోత మోగిపోయాయి. అంతేకాకుండా ఆర్‌జీవీ కూడా సోషల్ మీడియా సహా ఎక్కడా కూడా యాక్టివ్‌గా లేకపోవడంతో ఈ వార్తలు నిజమేనని చాలా మంది నమ్మారు. ఈ నేపథ్యంలోనే తాజాగా ఈ వార్తలకు చెక్ పెట్టారు రామ్ గోపాల్ వర్మ్ అలియాస్ ఆర్‌జీవీ. తాను ఏమీ పారిపోలేదంటూ ఓ వీడియోను విడుదల చేశారు. తన గురించి చాలా మంది ఇష్టారాజ్యంగా ప్రచారాలు చేస్తున్నారని, వారందరికీ క్లారిటీ ఇవ్వడం కోసమే తాను ఈ వీడియోను పోస్ట్ చేస్తున్నానని అన్నారు.
‘‘నేను కేసులకు భయపట్లేదు. నేను పోస్టులు పెట్టిన వారికి కాకుండా సంబంధం లేని వ్యక్తుల మనోభావాలు దెబ్బతింటే ఈ కేసులు, సెక్షన్లు ఎలా వర్తిస్తాయి. ప్రస్తుతం ఓ సినిమా షూటింగ్‌లో ఉన్నాను. నిర్మాతకు నష్టం వస్తుందన్న కారణంగానే పోలీసుల విచారణకు రాలేకపోతున్నాను’’ అని ఆయన(RGV) తన వీడియోలో వివరించారు.
Read Also: పాఠశాలలో ఫుడ్ పాయిజన్.. మండిపడ్డ హైకోర్టు
Follow US: Google News, Twitter, Share Chat
