ఏపీలోని నిరుద్యోగులకు శుభవార్త. గ్రూప్ 1, గ్రూప్ 2 నోటిఫికేషన్ విడుదలకు ఏపీ ప్రభుత్వం ఆదేశాలు జారీ చేసింది. గ్రూప్ 1 లో 89 పోస్టులు, గ్రూప్ 2లో 508 పోస్టులను భర్తీ చేయనుంది. ఈ మేరకు ఏపీపీఎస్సీ త్వరలో నోటిఫికేషన్ విడుదల చేయనుంది. మొత్తం 597 పోస్టులు భర్తీ కానున్నాయి.
గ్రూప్ 1 కేటగరీలో డిప్యూటీ కలెక్టర్లు, డీఎస్పీ కేటగరీ-2, అసిస్టెంట్ కమీషనర్ ( ఎస్టీ), అసిస్టెంట్ ట్రెజరీ ఆఫీసర్ పోస్టుల, మున్సిపల్ కమిషనర్ (గ్రేడ్ 2), జిల్లా రిజిస్ట్రార్లు, సేల్స్ ట్యాక్స్‌లో అసిస్టెంట్ కమిషనర్లు, అసిస్టెంట్ ఎక్సైజ్ సూపరింటెండెంట్, జిల్లా సాంఘిక సంక్షేమ అధికారులు, ప్రాంతీయ రవాణా అధికారుల ఉద్యోగాలున్నాయి.
ఇక గ్రూప్-2లో సచివాలయంలోని సాధారణ పరిపాలనలో 161 అసిస్టెంట్ సెక్షన్ ఆఫీసర్లు, ఫైనాన్స్‌లో 23 అసిస్టెంట్ సెక్షన్ ఆఫీసర్లు, 12 అసిస్టెంట్ సెక్షన్ ఆఫీసర్లు లా, 10 అసిస్టెంట్ సెక్షన్ ఆఫీసర్లు లెజిస్లేచర్, నలుగురు గ్రేడ్ 3 మున్సిపల్ కమిషనర్లు, 114 డిప్యూటీ తహశీల్దార్లు. , 16 సబ్-రిజిస్ట్రార్లు (గ్రేడ్ 2), 150 ఎక్సైజ్ సబ్-ఇన్‌స్పెక్టర్లు మరియు 18 అసిస్టెంట్ లేబర్ ఆఫీసర్ల పోస్టులు భర్తీ కానున్నాయి.
