ఏపీ హైకోర్టులో ప్రభుత్వానికి స్వల్ప ఊరట లభించింది. 2018 ఏపీపీఎస్సీ గ్రూప్-1(Group1 Exam) రిక్రూట్‌మెంట్‌కు సంబంధించి కీలక ఆదేశాలు జారీచేసింది. గ్రూప్-1 పరీక్ష రద్దు చేస్తూ.. సింగిల్‌ బెంచ్‌ ఇచ్చిన ఆదేశాలపై డివిజన్‌ బెంచ్‌ తాత్కాలిక స్టే విధించింది. తదుపరి విచారణ మార్చి 27కు వాయిదా వేసింది. అప్పటివరకు ఉద్యోగులు తమ తమ ఉద్యోగాల్లో కొనసాగుతారని స్పష్టం చేసింది.
- Advertisement -
కాగా 2018 ఏపీపీఎస్సీ గ్రూప్-1 మెయిన్స్‌ పరీక్షను(Group1 Exam) రద్దు చేస్తూ హైకోర్టు సింగిల్‌ బెంచ్‌ తీర్పు ఇచ్చిన విషయం తెలిసిందే. మూల్యాంకనం రెండు, మూడు సార్లు చేయడం చట్ట విరుద్ధమని తెలిపింది. దీంతో ఈ తీర్పును ఏపీపీఎస్సీ, రాష్ట్ర ప్రభుత్వం డివిజన్‌ బెంచ్‌ ఎదుట సవాల్‌ చేసింది.
