Special Pooja For Pawan Kalyan’s Varahi On January 2: జనసేన అధినేత పవన్ కళ్యాణ్ ప్రత్యేకంగా తయారు చేయించిన ప్రచారరథం ‘వారాహి’ వాహనానికి ప్రత్యేక పూజలు చేయడానికి తేదీని నిర్ణయించారు. వచ్చే సంవత్సరం జనవరి 2 న తెలంగాణ లోని జగిత్యాల జిల్లా కొండగట్టు ఆంజనేయ స్వామి దేవస్థానంలో నిర్వహించనున్నారు. పవన్ కళ్యాణ్ కి అత్యంత ఇష్టమైన కొండగట్టు అంజన్న వద్ద మొదటి పూజ చేసిన తర్వాతే.. ఏపీలో ప్రచారానికి బయలుదేరనున్నారు.
- Advertisement -
జనసేనాని ఎన్నికల వాహనాన్ని తనకు ఇష్టమైన విధంగా డిజైన్ చేయించుకొని.. దానికి అమ్మవారి మరో పేరు ‘వారాహి’ అని పేరు పెట్టారు. ఆర్మీ వాహనాలకు దగ్గరి పోలికలు ఉండే రంగు వేయడంతో ఆంధ్రప్రదేశ్ లో కాస్త జనసేన – వైసిపి ల మధ్య రాజకీయ రగడ సృష్టించింది. చివరగా వారాహీకి తెలంగాణాలో రిజిస్ట్రేషన్ చేయించారు పవన్ కళ్యాణ్.
