తిరుమల శ్రీవారి అన్నప్రసాదాలపై టీటీడీ(TTD) కీలక నిర్ణయం తీసుకుంది. భక్తులకు మరింత రుచికరంగా అన్న ప్రసాదాలు అందించాలని భావిస్తోంది. ఈ మేరకు మెనూలో ఒక ఐటమ్ పెంచాలని టీటీడీ చైర్మన్ బీఆర్ నాయుడు అధికారులను ఆదేశించారు. ఆయన ఆదేశాలకు అనుగుణంగా మెనూలో మార్పులు చేస్తూ బోర్డులో నిర్ణయం తీసుకున్నారు.
- Advertisement -
ట్రయల్ రన్ లో భాగంగా సోమవారం 5వేల మసాలా వడలు(Masala Vada) సిబ్బంది భక్తులకు వడ్డించారు. ఉల్లిపాయలు, వెల్లులి లేకుండా మసాలా వడలు తయారు చేశారు. ఈ వడలు రుచికరంగా ఉన్నాయని భక్తులు సంతృప్తి వ్యక్తం చేశారు. పరిశీలనలో లోటుపాట్లను సరిచేసుకొని… పూర్తిస్థాయిలో మెనూలో మార్పులు తీసుకొచ్చేందుకు కసరత్తు చేస్తున్నారు. త్వరలో టీటీడీ(TTD) చైర్మన్ చేతుల మీదుగా కొత్తగా చేర్చిన వంటకంతో మెనూ ప్రారంభం కానుంది.
