మాజీముఖ్యమంత్రి వైఎస్ జగన్ మోహన్ రెడ్డి(YS Jagan) ఈరోజు నంద్యాల జిల్లాలో పర్యటించనున్నారు. ఇటీవల దాడికి గురైన వైసీపీ కార్యకర్త పసుపులేటి సుబ్బారాయుడు కుటుంబాన్ని పరామర్శించనున్నారు. నంద్యాల(Nandyal) జిల్లా పర్యటన అనంతరం జగన్.. బెంగళూరుకు బయలుదేరనున్నారు. కాగా ఆయన బెంగళూరు ఎందుకు వెళ్తున్నారన్న సమాచారం లేదు. కాగా గతంలో కూడా జగన్.. బెంగళూరుకు వెళ్లారు. మాటిమాటికి జగన్.. బెంగళూరుకు వెళ్లడంపై అనేక అనుమానాలు కలుగుతున్నాయి. మరికొందరు మాత్రం ఆయన తన మోకాలి వైద్యం కోసం బెంగళూరు వెళ్తున్నారని చెప్తున్నారు. కానీ జగన్.. బెంగళూరు ట్రిప్‌ వెనక అసలు కారణం ఏంటనేది తెలియలేదు.
దాంతో పాటుగా విశాఖ ఎమ్మెల్సీ ఉప ఉపఎన్నికలపై కూడా జగన్ స్పెషల్ ఫోకస్ పెడుతున్నారు. ఎలాగైనా ఈ ఎన్నికల్లో విజయం సాధించాలని ఆయన కసరత్తులు చేస్తున్నారు. అందుకోసే ఆయన ఉప ఎన్నికల బరిలో మాజీ మంత్రి బొత్స సత్యనారాయణను నిలబెడుతున్నారు. ఇప్పటికే ఎన్నికల్లో గెలిస్తే ఓ అద్భుతమైన బహుమానం ఇస్తానని కూడా జగన్(YS Jagan).. బొత్సకు ఆఫర్ చేశారని వాదన వినిపిస్తోంది. మరి ఆ ఆఫర్ ఏంటో చూడాలి.
