ప్రముఖ మెసేజింగ్ యాప్ వాట్సాప్ యూజర్ల కోసం ఎప్పటికప్పుడు న్యూ ఫీచర్స్ తీసుకొస్తుంది. తాజాగా ఓ కొత్త ఫీచర్ తీసుకొచ్చింది. వాట్సాప్లో ఎవరికైనా తప్పుగా మెసేజ్ చేశారా? అది కూడా రెండు గంటలు తర్వాత చూసుకున్నారా? డిలీట్ చేయడం కుదరదు కదా అని బాధపడొద్దు. ఎందుకంటే ఇప్పుడు మెసేజ్ చేసి రెండు రోజులు అయినా కూడా డిలీట్ చేయవచ్చు. అందుకు సంబంధించిన కొత్త ఫీచర్ను వాట్సాప్ త్వరలోనే తీసుకురాబోతుంది.
వాట్సాప్ చాట్లో ‘డిలీట్ ఫర్ ఎవ్రీవన్’ ఫీచర్ను 2017లో అందుబాటులోకి తీసుకొచ్చింది. మొదట.. ఆ ఫీచర్ను ఎనిమిది నిమిషాలకు మాత్రమే పరిమితం చేసింది. ఆ తర్వాత కొద్ది రోజులకు 1 గంట 8 నిమిషాల 16 సెకన్ల వరకు డిలీట్ చేసే అవకాశాన్నిచ్చింది. ఇప్పుడు ఈ ఫీచర్ను ఇంకాస్త సమయానికి పెంచుదామని వాట్సాప్ యోచిస్తోంది.
కొత్త ఫీచర్ వచ్చాక వాట్సాప్లో పంపిన మెసేజ్ను 56 గంటల తర్వాత డిలీట్ చేసుకోవచ్చు. అంటే రెండున్నర రోజులైనా డిలీట్ చేసేయొచ్చు. ఈ ఫీచర్ అందుబాటులోకి వస్తే చాలా ఉపయోగపడుతుంది. ప్రస్తుతం ఈ ఫీచర్ టెస్టింగ్ మోడ్లో ఉంది. మరికొద్దిరోజుల్లోనే అందుబాటులోకి రానుంది. దీంతో పాటు మరో ఫీచర్ను కూడా వాట్సాప్ తీసుకురానుంది. మీరు అడ్మిన్గా ఉన్న గ్రూప్లోని ఏ మెసేజ్నైనా డిలీట్ చేసే అవకాశాన్ని కల్పించనుంది.
