యూపీఐ లావాదేవీలపై ఛార్జీలు వసూలు చేయనున్నట్లు వస్తున్న వార్తలను పాపులర్ డిజిటల్ పేమెంట్ ప్లాట్ఫాం ‘ఫోన్పే’ ఖండించింది. తాము ఎలాంటి ఛార్జీలు వసూలు చేయబోమని స్పష్టం చేసింది. ఎలాంటి యూపీఐ లావాదేవీ నిర్వహించినా..అది పూర్తిగా ఉచితమని పేర్కొంది.
అయితే, ఛార్జీల వసూలుపై కొంతమంది వినియోగదారులపై ప్రయోగం నిర్వహిస్తున్నట్లు ఫోన్పే తెలిపింది. రూ.50 నుంచి రూ.100 మధ్య చెల్లింపులు చేస్తే ఒక రూపాయి, రూ.100 కన్నా ఎక్కువ చేసే చెల్లింపులకు రూ.రెండు వసూలు చేస్తున్నట్లు తెలిపింది. ఈ ప్రయోగం ప్రకారం రూ. 50 లోపు ఛార్జీలకు ఎలాంటి ఛార్జీలు ఉండవని చెప్పుకొచ్చింది.
యూపీఐ లావాదేవీలపై ఛార్జీలు వసూలు చేయనున్నట్లు ఇటీవల వార్తలు చక్కర్లు కొట్టాయి. దీంతో వినియోగదారులు తీవ్ర అసంతృప్తి వ్యక్తం చేశారు. మరోవైపు, వినియోగదారులకు రూ.50 క్యాష్బ్యాక్ ఆఫర్ను అందిస్తున్నట్లు ఫోన్పే తెలిపింది. మూడుసార్లు రూ.51 లేదా అంతకన్నా ఎక్కువ రీఛార్జ్ చేసిన యూజర్లకు క్యాష్బ్యాక్ వస్తుందని వెల్లడించింది. భారత్లో ‘ఫోన్పే’కు 32.5 కోట్ల మంది రిజిస్టర్డ్ యూజర్లు ఉన్నారు. దీంతో ఇది దేశంలోనే అతిపెద్ద డిజిటల్ ప్లాట్ఫాంలలో ఒకటిగా ఎదిగింది.
