ఇటీవల పలు కంపెనీలు వరుసగా స్మార్ట్ ఫోన్‌లను విడుదల చేస్తూ వస్తున్నాయి. ఈ క్రమంలోనే తాజాగా ప్రముఖ మొబైల్ తయారీ కంపెనీ నోకియా కొత్త ఫోన్‌ను తీసుకొచ్చింది. నోకియా సీ10 ప్లస్‌తో లాంచ్‌ చేసిన ఈ ఫోన్‌లో ఫీచర్లు ఆకట్టుకునేలా ఉన్నాయి.
ఈ ఫోన్‌ను మొత్తం రెండు వేరియంట్లలో అందుబాటులోకి తీసుకొచ్చారు. 2 జీబీ ర్యామ్‌+32 జీబీ స్టోరేజ్‌ ఫోన్ ధర రూ. 6,799గా ఉండగా, 2 జీబీ + 16 జీబీ రూ. 6.299గా ఉంది.
ఈ స్మార్ట్ ఫోన్‌లో 5.45 ఇంచెస్‌ హెచ్‌డీ+డిస్‌ప్లేను అందించారు. ఆక్టాకోర్ యునిఎస్ఓసీ ఎస్‌సీ9863ఏ ప్రాసెసర్‌తో పనిచేసే ఈ స్మార్ట్ ఫోన్‌లో ఇంటర్నల్‌ స్టోరేజ్‌ను గరిష్టంగా 32 జీబీ వరకు పెంచుకోవచ్చు.
ఇక కెమెరా విషయానికొస్తే ఇందులో 5 మెగాపిక్సెల్‌ రెయిర్‌ కెమెరాతో పాటు, సెల్ఫీల కోసం 2 మెగా పిక్సెల్‌ ఫ్రంట్‌ కెమెరాను అందించారు. రెండు కెమెరాలకు ఎల్‌ఈడీ ఫ్లాష్‌లైట్‌ ఉండడం ప్రత్యేకత.
ఆండ్రాయిడ్‌ 11 (గో ఎడిషన్‌) ఆపరేటింగ్ సిస్టమ్‌పై పని చేసే ఈ స్మార్ట్ ఫోన్‌లో 5 వాట్స్‌ చార్జింగ్‌కు సపోర్ట్‌ చేసే 3000 ఎంఏహెచ్‌ బ్యాటరీని అందించారు. వీటితో పాటు 4జీ ఎల్‌టీఈ, వైఫై,3.5ఎంఎం హెడ్‌ఫోన్ జాక్ కనెక్టివిటీ ఫీచర్లుగా ఉన్నాయి.
