హైదరాబాద్ డ్రగ్స్ కేసులో ప్రధాన నిందితుడు టోనీని పోలీసులు అరెస్ట్ చేసిన సంగతి తెలిసిందే. ఈ కేసులో మరో 15 మంది వ్యాపారవేత్తలను గుర్తించిన పోలీసులు ఇప్పటికే ఏడుగురు వ్యాపారవేత్తలను అరెస్టు కూడా చేశారు. మరో ఇద్దరు వ్యాపారవేత్తలు గజేంద్ర, విపుల్ కోసం టాస్క్ ఫోర్స్ పోలీసులు గాలింపు చర్యలు చేపట్టారు. తాజాగా టోనీని హైదరాబాద్ పంజాగుట్ట పోలీసులు కస్టడీలోకి తీసుకున్నారు. చంచల్ గూడ జైల్లో రిమాండ్ ఖైదీగా ఉన్న టోనీని పోలీసులు 5 రోజుల కస్టడీకి తీసుకున్నారు. పంజాగుట్ట పీఎస్కు తరలించి టోనీని పోలీసులు ప్రశ్నిస్తున్నారు. ఈ విచారణలో అసలు నిజాలు బయటపడనున్నాయి.
