హైదరాబాద్‌లో 14.2 కిలోల డ్రగ్స్ సూడో ఎపిడ్రిన్‌ను స్వాధీనం చేసుకున్నామని హైదరాబాద్ సీపీ అంజినీకుమార్ వెల్లడించారు. దీని విలువ సుమారు రూ.5.50 కోట్లు ఉంటుందన్నారు. మాత్రల రూపంలో వీటిని విక్రయిస్తున్న ముగ్గురిని అరెస్ట్ చేసినట్లు సీపీ తెలిపారు. నిందితుల నుంచి సుమారు 100 మత్తు మాత్రలను స్వాధీనం చేసుకున్నామన్నారు. ఈ డ్రగ్స్ విలువ ఒక కేజీ 41 లక్షల రూపాయలు ఉంటుందని తెలిపారు.
ఆస్ట్రేలియాకు పార్సిల్ చేసేందుకు..ఫొటో ఫ్రేమ్స్లో పెట్టి ప్యాకింగ్ చేశారన్నారు. ఈ డ్రగ్స్ కొరియర్ సమాచారంతో.. బేగంపేట పోలీసులు, డీఆర్ఐ అధికారులు జాయింట్ ఆపరేషన్ నిర్వహించినట్లు సీపీ అంజనీకుమార్ తెలిపారు. కొరియర్ కేంద్రంలో తనిఖీలు చేపట్టినట్లు వెల్లడించారు.
