జమ్ముకశ్మీర్ పుల్వామా జిల్లాలో ఎన్కౌంటర్ జరిగింది. ఈ ఘటనలో జైషే మహ్మద్ ఉగ్రసంస్థకు చెందిన టాప్ కమాండర్ షామ్ సోఫీని బలగాలు మట్టుబెట్టాయి. ముష్కరులు ఉన్నారన్న పక్కా సమాచారంతో భద్రతా దళాలు తనిఖీలు నిర్వహించాయి.
ఈ క్రమంలో ఉగ్రవాదులు కాల్పులకు తెగబడగా..భద్రతా దళాలు ఎదురుకాల్పులు జరిపాయి. ఈ మేరకు కశ్మీర్ ఇన్స్పెక్టర్ జనరల్ ఆఫ్ పోలీస్(ఐజీపీ) విజయ్ కుమార్ తెలిపారు. ముష్కరులకు, భద్రతాసిబ్బందికి మధ్య కాల్పులు కొనసాగుతున్నాయని పేర్కొన్నారు.