తెలంగాణలోని ఉమ్మడి నిజామాబాద్ జిల్లా బోధన్ లో తీవ్ర ఉద్రిక్తత చోటు చేసుకుంది. శివాజీ విగ్రహం ప్రతిష్టించడంతో ఇరు వర్గాల మధ్య వివాదం తలెత్తింది. దీనితో ఇరు వర్గాలు ఒకరిపై ఒకరు రాళ్లతో రువ్వుకున్నారు. దీనితో ఉద్రిక్త పరిస్థితులు నెలకొన్నాయి. రెండు వర్గాల మధ్య చెలరేగిన ఘర్షణను అదుపు చేయడానికి పోలీసులు టియర్ గ్యాస్ ప్రయోగించారు.
అసలేం జరిగిందంటే.. బీజేపీ, శివసేన నాయకులు రాత్రికి రాత్రి ఛత్రపతి శివాజీ మహరాజ్ విగ్రహాన్ని ప్రతిష్టించారు. దీన్ని మరోవర్గం నాయకులు విగ్రహాన్ని తొలగించాలని డిమాండ్ చేస్తున్నారు. ఈ వివాదం తీవ్ర ఘర్షణకు దారి తీసింది. అయితే విగ్రహాన్ని తొలగించాలని ఓ వర్గం డిమాండ్ చేస్తుండగా…విగ్రహాన్ని తొలగించేది లేదని బీజేపీ, శివసేన కార్యకర్తలు భీష్మించుకుని ఉన్నారు.
దీంతో స్వయంగా నిజామాబాద్ సీపీ నాగరాజు పరిస్థితిని సమీక్షించారు. బోధన్ లో 144 సెక్షన్ అమలు చేశారు. ఇతరులు బోధన్ లోకి రాకుండా గట్టి భద్రతను ఏర్పాటు చేశారు. ముందస్తుగా పోలీసులు కొంతమంది బీజేపీ నాయకులను అరెస్ట్ చేశారు.
