ఏపీకి చెందిన తెదేపా సీనియర్ నేత విష్ణువర్ధన్‌రెడ్డి కుమారుడు రోడ్డు ప్రమాదంలో మృతి చెందారు. కర్నూలు మాజీ ఎంపీపీ గా అతని కుమారుడు రాజవర్ధన్ రెడ్డి వ్యవరించిన సంగతి తెలిసిందే. హైదరాబాద్ నుంచి కర్నూలు వైపు వెళ్తుండగా ఒక్కసారిగా రెండు టైర్లు పేలి ఈ ప్రమాదం జరిగింది.
దాంతో అక్కడ ఉన్న స్థానికులు చికిత్స నిమిత్తం ఆసుపత్రికి తరలించగా..వైద్యుల సమక్షంలో చికిత్స పొందుతూ మరణించడం జరిగింది. తెలంగాణ రాష్ట్రం జోగులాంబ గద్వాల జిల్లా ఉండవెల్లి మండలం ఇటిక్యాల పాడు గ్రామ శివారు లోని జాతీయ రహదారిపై ఈ ఘోర రోడ్డు ప్రమాదం చోటుచేసుకుంది. ఈయన మరణ వార్తను తెలుసుకున్న టీడీపీ నాయకులు, కార్యకర్తలు దిగ్భ్రాంతి వ్యక్తం చేశారు.