ఝార్ఘండ్లో దారుణ ఘటన వెలుగు చూసింది. 14 ఏళ్ల బాలుడిని అతని స్నేహితులే అతికిరాతకంగా హత్య చేశారు. అంతేకాదు కాళ్లు, చేతులు నరికి మృతదేహాన్ని సంచుల్లో పెట్టి అటవీ ప్రాంతంలో పడేశారు.
దేవఘర్ జిల్లా రోహిణి గ్రామంలో ముగ్గురు స్నేహితులు ఉన్నారు. ఒకరోజు బాధితుడిని అతని స్నేహితుడు మంగళవారం రాత్రి 8.30 గంటల ప్రాంతంలో తన నివాసంలో కలిశాడు. ఇద్దరు కలిసి కుమ్రాబాద్ స్టేషన్ రోడ్కు వెళ్లారు. అక్కడ వారిని అవినాశ్ అనే మరో స్నేహితుడు కలిశాడు. ముగ్గురు కలిసి పలంగా పహాడ్ అటవీ ప్రాంతం వైపుగా వెళ్లారు. అక్కడే అవినాశ్కు, బాధితుడికి మధ్య గొడవ జరిగింది.
గొడవ జరుగుతున్న క్రమంలోనే అవినాశ్ తన వద్ద ఉన్న కత్తిని తీసి బాధితుడిని పొడిచాడు. గొంతు కోసి హత్య చేశాడు. ఆ తర్వాత.. కాళ్లు, చేతులు నరికి శరీర భాగాలను మూడు సంచుల్లో పెట్టి అటవీ ప్రాంతంలో పడేశాడు. మృతదేహాన్ని స్వాధీనం చేసుకున్న పోలీసులు..అవినాశ్ను అరెస్ట్ చేశారు. నిందితుడు నేరం అంగీకరించినట్లు పోలీసులు చెప్పారు.
