కర్ణాటక బెంగళూరులోని అన్నపూర్ణేశ్వరీ నగర్లో దారుణ ఘటన వెలుగులోకి వచ్చింది. స్థానికంగా ఉండే మునిరాజు..ఓ వ్యక్తిని దారుణంగా హత్య చేశాడు. ఇందుకోసం అతడి స్నేహితులు సాయం చేశారు. అనంతరం ఆ మృతదేహంతో వారందరూ పోలీస్ స్టేషన్కు వెళ్లి లొంగిపోయారు.
ములూర్కు చెందిన మునిరాజు సోదరికి ఇటీవల వివాహమైంది. అయితే పెళ్లికి ముందే ఆమెకు భాస్కర్ అనే వ్యక్తితో గత రెండేళ్లగా పరిచయం ఉంది. వివాహం తర్వాత కూడా వారి బంధం కొనసాగింది. ఈ విషయం తెలుసుకున్న ఆ మహిళ భర్త.. భాస్కర్తో వాగ్వాదానికి దిగాడు.
ఈ క్రమంలో అతను మునిరాజుకు ఫోన్ చేశాడు. అతను తన స్నేహితులతో కలిసి ఓ ఆటోలో వచ్చి భాస్కర్ను ఓ నిర్మానుష్య ప్రదేశానికి లాక్కెళ్లాడు. అక్కడే భాస్కర్ను దారుణంగా హత్య చేశారు. ఆ తర్వాత మృతదేహాన్ని పోలీస్ స్టేషన్కు తీసుకెళ్లి వారందరు లొంగిపోయారు. ఈ ఘటనపై కేసు నమోదు చేసి నిందితులను పోలీసులు అరెస్ట్ చేశారు. ఇతర నిందితులను మారుతి, నగేశ్, ప్రశాంత్లుగా పోలీసులు గుర్తించారు.