పబ్జీ ఇప్పటికే ఎందరినో బలి తీసుకుంది. ఈ ఆన్లైన్ గేమ్ కు యువత బానిసలుగా మారుతున్నారు. దీని ప్రభావంతో విచక్షణారహితంగా ప్రవర్తిస్తున్నారు. తాజాగా మహారాష్ట్ర ఠాణెలోని వార్తక్ నగర్లో దారుణ ఘటన జరిగింది.
వివరాల్లోకి వెళితే..సాయిల్ జాదవ్ అనే వ్యక్తి తన ముగ్గురు స్నేహితులతో కలిసి తరచుగా పబ్జీ ఆడేవాడు. సోమవారం రాత్రి 9 గంటల సమయంలో ఈ నలుగురు కలిసి పబ్జీ ఆడుకున్నారు. ఈ క్రమంలోనే వీరి మధ్య గొడవ మొదలయింది. ముగ్గురు స్నేహితులు కలిసి సాయిల్ జాదవ్పై దాడి చేసి కత్తితో పొడిచి చంపేశారు. ముగ్గురు నిందితులను అదుపులోకి తీసుకున్న పోలీసులు కేసు నమోదు చేశారు.
