తెలంగాణ: సంగారెడ్డి జిల్లాలో విషాదం చోటుచేసుకుంది. మద్యం తాగేందుకు ఐదుగురు స్నేహితులు చెరువులోకి పడవను తీసుకుని వెళ్లారు. ప్రమాదవశాత్తు ఇద్దరు అందులో పడి మునిగిపోయారు.
సంగారెడ్డి జిల్లా అమీన్పూర్ మండలంలోని చెరువులోకి ఐదుగురు స్నేహితులు నాటు పడవ తీసుకుని వెళ్లారు. అయితే అందులో పవన్, నర్సింగ్ అనే ఇద్దరు ప్రమాదవశాత్తు చెరువులో పడి మునిగిపోయారు. దీనితో మిగతా ముగ్గురు వచ్చి..స్థానికులకు సమాచారం అందించారు. అప్రమత్తమైన స్థానికులు.. వారికోసం గాలింపు చర్యలు చేపట్టారు.
పవన్ అనే వ్యక్తి మృతదేహం లభ్యం కాగా..నర్సింగ్ ఆచూకీ లభ్యం కాలేదు. గత ఈతగాళ్ల చేత నర్సింగ్ కోసం గాలిస్తున్నారు. అయితే రాత్రి సమయంలో చెరువులోకి మద్యం తాగేందుకు వెళ్లినట్లుగా సమాచారం. కేసు నమోదు చేసుకున్న పోలీసులు దర్యాప్తు చేపట్టారు.