ఏపీలో హృదయ విదారక ఘటన చోటుచేసుకుంది. ఒంటిపూటబడుల కారణంగా విద్యార్థులు మధ్యాన సమయంలో క్రికెట్ ఆడి ఇంటికి వస్తుండగా సూర్య, పండు అనే బాలురు మధ్యలో సైకిల్ విషయంలో చిన్న ఘర్షణ తలెత్తింది. అనంతరం కింద పడిన సైకిల్ను సూర్య పైకి తీస్తుండగా..పండు బ్యాటుతో సూర్యను బలంగా కొట్టాడు.
కానీ ఆ విషయం తల్లిదండ్రులకు చెప్పొద్దని బెదిరించడంతో ఆ రాత్రి అలాగే నిద్రించాడు. తెల్లవారుజామున చూస్తే తమ కుమారుడు స్పృహలో లేకపోవడంతో ఆందోళనకు గురయ్యి ఆసుపత్రికి తీసుకెళ్తారు. అంతలోనే అతను మృతి చెందినట్టు వైద్యులు చెప్పడంతో కుటుంబ సభ్యులు కన్నీరు మున్నీరు చేసుకున్నారు.
ఈ ఘటన కాకినాడ జిల్లా సామర్లకోట మండలం గోలివారి కొత్తూరులో చోటు చేసుకుంది. అనంతరం సమాచారం తెలుసుకున్న పోలీసులు కుటుంబ సభ్యుల వివరాల మేరకు కేసు నమోదు చేసి దర్యాప్తు చేపట్టారు. ఇంకా ఈ ఘటనకు సంబంధించి పూర్తి వివరాలు తెలియాల్సి ఉంది.
