భద్రాద్రి కొత్తగూడెం జిల్లా దమ్మపేటలో అమానుష ఘటన చోటుచేసుకుంది. వైద్యుల నిర్లక్ష్యం కారణంగా వివాహిత మృతి చెందింది. ఈ ఘటన గురువారం చోటుచేసుకుంది. వివరాల్లోకి వెళితే.. దమ్మపేట మండల కేంద్రంలోని భవాని నర్సింగ్ హోమ్‌లో ఇటీవల తీవ్ర కడుపునొప్పితో అల్లిపల్లి గ్రామానికి చెందిన పాండ్ల నందిని చేరింది.
- Advertisement -
ఆమెను పరీక్షించిన వైద్యులు కడుపులో కణితి ఉందని చెప్పారు. దీంతో ఆపరేషన్ చేయాలని చెప్పడంతో కుటుంబ సభ్యులు అంగీకరించారు. అనంతరం ఆపరేషన్ చేసి కణితి బయటకు తీశారు. అనంతరం ఆమెను ఖమ్మం జిల్లా కేంద్రంలోని ఓ ఆసుపత్రికి రిఫర్ చేశారు. అనంతరం యూరిన్ ఇన్‌ఫెక్షన్‌ వచ్చి పరిస్థితి విషమించి ఆమె మృతిచెందింది. దీంతో కుటుంబసభ్యులు, బంధువులు ఆసుపత్రి వైద్యులపై ఆగ్రహం వ్యక్తం చేశారు. మృతదేహంతో ఆసుపత్రి ఎదుట ఆందోళన చేశారు.
