జూన్ నెలకు సంబంధించిన శ్రీవారి ఆర్జిత సేవలైన సుప్రభాతం, తోమాల, అర్చన, అష్టదళ పాద పద్మారాధన కోటాను మంగళవారం TTD ఆన్‌లైన్‌లో విడుదల చేసింది. ఈ ఎలక్ట్రానిక్ లక్కీ డిప్‌ల కోసం ఆన్‌లైన్ రిజిస్ట్రేషన్ మార్చి 20న ఉదయం 10 గంటల వరకు చేయవచ్చు. మార్చి 21న ఉదయం 10 గంటలకు టిక్కెట్లు విడుదలకు అందుబాటులో ఉంటాయి. అంగ ప్రదక్షిణం టోకెన్ల కోటా మార్చి 22న ఉదయం 10 గంటలకు విడుదల అవుతుంది.
శ్రీవాణి ట్రస్ట్ బ్రేక్ దర్శనం కోటా ఉదయం 11 గంటలకు అందుబాటులో ఉంటుంది. అదనంగా వృద్ధులు, దీర్ఘకాలిక అనారోగ్యంతో బాధపడుతున్నవారు, వికలాంగులకు ఉచిత ప్రత్యేక ప్రవేశ దర్శన టోకెన్ల కోటా మధ్యాహ్నం 3 గంటలకు ఆన్‌లైన్‌లో విడుదల అవుతుంది. రూ. 300 టిక్కెట్ల కోటా మార్చి 24న ఉదయం 10 గంటలకు అందుబాటులో ఉంటుంది. మరిన్ని వివరాల కోసం భక్తులు (https://ttdevasthanams.ap.gov.in), (https://ttdevasthanams.ap.gov.in) వెబ్‌సైట్‌ లను సందర్శించవచ్చు అని TTD సూచించింది.
Read Also: CID కస్టడీలో పోసాని కృష్ణమురళి
Follow Us on : Google News, Twitter, Share Chat
