ఆరోగ్యంగా ఉండాలని అందరు కోరుకుంటారు.దాని కోసం ఇష్టం లేని పదార్దాలను సైతం తింటూ ఆరోగ్యాన్ని మెరుగుపరచడం కోసం ప్రయత్నిస్తుంటారు. అలాగే నిమ్మకాయను కూడా తినడానికి చాలామంది ఇష్టపడరు. కానీ నిమ్మకాయను ఇష్టం చేసుకొని తినడం వల్ల ఈ అద్భుతమైన ప్రయోజనాలు పొందవచ్చు.
నిమ్మలో విటమిన్ సీ, ఈ, బీ6 తోపాటు థయామిన్, నియాసిన్, రైబోప్లేవిన్, ఫోలేట్ వంటి పోషకాలు పుష్కలంగా ఉండి ఆరోగ్యానికి మేలు చేస్తాయి. అందుకే రోజు ఉదయాన్నే ఖాళీ కడుపుతో గోరువెచ్చని నిమ్మకాయ రసం తాగడం వల్ల బరువు తగ్గి ఆరోగ్యవంతంగా తయారవుతారు.
ఉదయాన్నే ఖాళీ కడుపుతో నిమ్మకాయ నీరు తాగడం వల్ల చర్మం ప్రకాశవంతమైన, మెరుపుతో కూడిన చర్మాన్ని సొంతం చేసుకోవచ్చు. అలాగే రోగనిరోధక శక్తిని మెరుగుపరచడంలో, వాపును నివారించడంలో కూడా నిమ్మకాయ నీరు సహాయపడుతుంది. కావున మీరు కూడా ఉదయాన్నే ఖాళీ కడుపుతో నిమ్మకాయ నీరు తాగడానికి ప్రయత్నించండి.
