కాకరకాయ తినడం వల్ల కలిగే లాభాల గురించి ప్రత్యేకంగా చెప్పనవసరం లేదు. ఎందుకంటే కాకరకాయలో ఉండే ఐరన్, మెగ్నీషియం, పొటాషియం, విటమిన్ సి, ఫైబర్ మన శరీరానికి ఎంతగానో మేలు చేస్తాయి. కేవలం కాకరకాయలోనే కాకుండా వాటి గింజలో కూడా ఐరన్, మెగ్నీషియం ఇలా రకరకాల పోషకాలు ఉంటాయి.
అందుకే బరువు తగ్గాలనుకునే వారు కాకరకాయ గింజలని క్రమం తప్పకుండా తీసుకుంటే మంచి ఫలితాలు లభిస్తాయి. కాకర గింజలను ఎండబెట్టి పొడిగా మార్చి వేడినీళ్లలో వేసుకుని తాగితే బరువు తగ్గడంతో పాటు..రోగనిరోధక శక్తి కూడా పెరుగుతుంది. అంతేకాకుండా కాకరగింజలు రక్తంలో చక్కెర, గుండెపోటు, అధిక కొలెస్ట్రాల్ సమస్యలని కూడా తగ్గిస్తాయి.
ఆస్తమా, జలుబు, దగ్గు వంటి మొదలైన శ్వాస సంబంధిత సమస్యల నివారణకు కూడా కాకరకాయ అద్భుతవమైన ఔషధంగా ఇది పనిచేస్తుంది. దీనిలో యాంటీఆక్సిడెంట్ లక్షణాలు పుష్కలంగా ఉండడం వల్ల చర్మాన్ని ముడతలు పడకుండా చేస్తుంది. లివర్‌ సమస్యలు తగ్గించటంలో కూడా ఈ గింజలు సహాయపడతాయి.
