దేశంలో కరోనా మహమ్మారి ప్రభావం తగ్గుతూ వస్తుంది. తాజాగా దేశంలో కొత్తగా 8,488 మందికి కొవిడ్ సోకినట్లు తేలింది. దీనితో దేశంలో కరోనా కేసులు 538 రోజుల కనిష్ఠానికి చేరుకున్నాయి. వైరస్ ధాటికి మరో 249 మంది మృతి చెందారు.
కొత్త కేసులు భారత్లో 538 రోజుల కనిష్ఠానికి కొవిడ్ చేరుకోగా..యాక్టివ్ కేసులు 534 రోజుల కనిష్ఠానికి దిగొచ్చాయి. భారత్లో నవంబరు 21న 7,83,567 కొవిడ్ టెస్టులు నిర్వహించినట్లు ఐసీఎంఆర్ తెలిపింది. ఫలితంగా మొత్తం కరోనా పరీక్షల సంఖ్య 63,25,24,259కి చేరింది.
మొత్తం కేసులు: 3,45,18,901
మొత్తం మరణాలు: 4,65,911
యాక్టివ్ కేసులు: 1,18,443
మొత్తం కోలుకున్నవారు: 33,934,547
కరోనా కేసులు విజృంభిస్తున్న నేపథ్యంలో లాక్‌డౌన్‌ను విధించింది ఆస్ట్రియా ప్రభుత్వం. నిత్యావసరాల కొనుగోలు, ఆసుపత్రులకు వెళ్లడం వంటి సేవల కోసం కూడా అత్యవసరమైతే తప్ప బయటకు రావొద్దని అధికారులు విజ్ఞప్తి చేశారు.
