అరటిపండు తినడం వల్ల అనేకరకాల ఆరోగ్య ప్రయోజనాలు ఉంటాయని మనందరికీ తెలిసిందే. అయితే ఇవి ఎప్పుడు తింటున్నామనేది కూడా చాలా ముఖ్యమైన విషయం. ఎందుకంటే తినకూడని సమయాల్లో అరటిపండు తినడం వల్ల మేలు కంటే హాని కలిగే అవకాశాలు ఉన్నాయంటున్నారు నిపుణులు.
- Advertisement -
పరగడుపుతో అరటిపండ్లను తినరాదని వైద్యులు స్పష్టం చేశారు. అరటిపండ్లలో సహజసిద్ధమైన చక్కెరలు ఎక్కువగా ఉంటాయి. దీంతో అవి శరీరానికి బాగా శక్తినిస్తాయని తెలిపారు. కానీ ఆ శక్తి ఖర్చవగానే నీరసంగా అనిపిస్తుందని, అలాగే అరటిపండ్లు తినడంతో కడుపు నిండిన భావన కలిగి నిద్ర వస్తుందని తెలిపారు. అటు అరటిపండ్లలో సహజసిద్ధ యాసిడ్స్ ఉండటంతో ఖాళీ కడుపుతో తింటే జీర్ణ సమస్యలు వస్తాయని పేర్కొన్నారు.
