శ్రావణమాసం సోమవారం ఇలా శివుడ్ని పూజిస్తే ఎంతో పుణ్యం

శ్రావణమాసం ఈనెల 9వ తేది నుంచి మొదలు కానుంది. ఇక పూజలు నోములు వ్రతాలతో ప్రతీ ఇంట్లో సందడి కనిపిస్తుంది.
శ్రావణ మాసం ఐదవ నెల. చంద్రుడు శ్రవణం నక్షత్రంతో కలిసిన రోజు కనుక ఈ నెలను శ్రావణ మాసం అంటారు.
ఈ నెలలో సోమవారాలు కూడా అత్యంత పవిత్రమైనవి. మంగళవారం శుక్రవారం అమ్మవారికి పూజలు లక్ష్మీదేవికి పూజలు కుంకుమార్చను చేస్తారు.

ఈ మాసంలో సోమవారం రోజున శివుడిని పూజిస్తే జన్మజన్మల ఫలం దక్కుతుందని పెద్దలు చెబుతారు. ఇక సోమవారం రోజున శివుడిని ప్రత్యేకంగా పూజించండి అభిషేకం చేసి ఉపవాసం ఉండి పేదలకు వస్త్ర దానం చేస్తే ఎంతో పుణ్యం.

ఈ నెలలో ప్రతీ రోజు శివపురాణం చదువుకుంటారు. ఈ శ్రావణ మాసంలో ప్రతీ సోమవారం శివుడికి తేనెతో పూజ చేస్తే..ఆరోగ్యం మెరుగవుతుంది. ఇక ఆ స్వామికి విభూదితో అభిషేకం చేసినా రుద్రాక్షలతో అభిషేకం చేసినా వ్యాపారాల్లో ఉద్యోగాల్లో ఎంతో పెరుగుదుల కనిపిస్తుందట. శివలింగానికి చెంబుడు జలంతో అభిషేకం చేసినా ఆ భోళాశంకరుడు మన కోరికలు తీరుస్తాడు అని పెద్దలు చెబుతారు.