గర్భం దాల్చడం లేదా? సంతానలేమికి ఈ కారణాలు కూడా కావచ్చు..!

నేటి యువతరంలో సంతానలేమి పెద్ద సమస్యగా మారింది. పని ఒత్తిడి, జీవన శైలి, కాలుష్యం, ఇతర దురలవాట్ల కారణంగా వల్ల ఎంతో మందికి సంతానం కలగడం లేదు. జనాభా నియంత్రణ పెద్ద ఆందోళనగా ఉన్న భారతదేశం వంటి దేశంలో కూడా వంధ్యత్వ రేటు పెరుగుతోంది. ఈ వంధ్యత్వ సమస్య నుండి బయటపడటానికి చాలా మంది జంటలు IVF చికిత్స కోసం ఆసుపత్రికి వెళతారు. కానీ చాలా సందర్భాలలో స్త్రీలు కష్టపడి కూడా గర్భం దాల్చలేరు. ఈ సమస్య లక్షణాలను సరైన సమయంలో గమనించినట్లయితే ఈ సమస్యను అధిగమించవచ్చు. వంధ్యత్వం ఎందుకు సమస్య. దాని లక్షణాలు ఏమిటో తెలుసుకోవడం అవసరం.

వంధ్యత్వానికి ప్రధాన లక్షణం గర్భం దాల్చలేకపోవడం. మీ పీరియడ్స్ చాలా ఎక్కువ లేదా తక్కువ వ్యవధిలో వస్తున్నట్లయితే, ఈ కాలంలో మీరు చాలా నొప్పితో ఉంటే, అది వంధ్యత్వానికి సంకేతం కావచ్చు. అదనంగా, పునరావృత గర్భస్రావం, క్యాన్సర్ చికిత్స లేదా ఎండోమెట్రియోసిస్ చరిత్ర ఉన్నట్లయితే వంధ్యత్వానికి సంబంధించిన ఫిర్యాదులు ఉండవచ్చు. పొత్తి కడుపులో తీవ్రమైన నొప్పి కూడా ప్రారంభ లక్షణం కావచ్చు. శరీరంలో అలాంటి లక్షణాలు కనిపిస్తే వెంటనే వైద్యులను సంప్రదించాలి. సకాలంలో లక్షణాలను గుర్తించి చికిత్స చేయడం ద్వారా వ్యాధిని అదుపులో ఉంచుకోవచ్చు.