తెలంగాణ రాష్ట్రంలో మళ్లీ కరోనా పంజా విసరబోతున్నదా? అంటే నిన్నటితో పోల్చి చూస్తే అవుననే అనిపిస్తోంది. సోమవారం నాడు నమోదైన కేసులకు, ఆదివారం నాడు నమోదైన కేసులకు భారీ వ్యత్యాసం ఉంది. ఇవాళ 696 కేసులు నమోదయ్యాయి. నిన్న ఆదివారం 465 కేసులు మాత్రమే నమోదయ్యాయి. ఈ లెక్కన కేసుల పెరుగుదల రేటు అమాంతంగా పెరిగింది. అయితే ఈ పెరుగుదల ఇలాగే ఉంటే ప్రమాదం తప్పదని వైద్య నిపుణులు అంటున్నారు.
మరోవైపు ఖమ్మం జిల్లాలో కేసులు ప్రమాదకరంగా పెరిగాయి. హైదరాబాద్ గత కొంతకాలంగా హైదరాబాద్ లో కేసులు పెద్దమొత్తంలో నమోదైన పరిస్థితి ఉండేది. ఎందుకంటే ఇక్కడ జనసాంద్రత ఎక్కువ కాబట్టి. కానీ ఖమ్మం జిల్లాలో మాత్రం ఇవాళ హైదరాబాద్ ను బీట్ చేసి కేసులు నమోదయ్యాయి. జిహెచ్ఎంసి పరిధిలో 68 కేసలే నమోదైతే… ఖమ్మం జిల్లాలో మాత్రం 82 కేసులు వచ్చాయి. ఆ జిల్లాలో కేసుల పెరుగుదలపై సర్కారు ఆరా తీస్తోంది.
కరోనా తగ్గుముఖం పడుతుందని ఊరటచెందుతున్న జనానికి ఇవాళ వచ్చిన కేసులు ఆందోళనకు గురిచేస్తున్నాయి. సోమవారం నాడు సుమారు 250 కేసులు ఎక్కువగా నమోదయ్యాయి. ఇవాళ మరణాల సంఖ్య 6 గా నమోదైంది. జిహెచ్ఎంసి పరిధిలో 68 కేసులు నమోదయ్యాయి.
జిల్లాల వారీగా కేసుల వివరాలు ఇవీ…
