చిన్న పెద్ద అని తేడా లేకుండా అందరు ఇష్టపడవాటిలో దానిమ్మ కూడా ఒకటి. సాధారణంగా దానిమ్మ పండ్లు అన్ని సీజన్లలోనూ లభించడంతో పాటు ధర కూడా అందరు కొనే రీతిలోనే ఉంటుంది. అయితే వీటిని తినడం వల్ల అద్భుతమైన ఆరోగ్య ప్రయోజనాలు పొందొచ్చు అంటున్నారు నిపుణులు. అనేక పోషకాలు, యాంటీ ఆక్సిడెంట్లు కలిగిన ఈ దానిమ్మ పండ్లు మన శరీరానికి చేలు మేలు అంతా ఇంతా కాదు. ఎందుకో మీరు కూడా తెలుసుకోవాలనుకుంటున్నారా?
దానిమ్మ పండ్లలో మన శరీరానికి కావల్సిన అనేక విటమిన్లు, మినరల్స్‌ సమృద్ధిగా ఉండి ఆరోగ్యానికి అమితమైన మేలు చేస్తుంది. కీళ్ల నొప్పుల నుంచి ఉపశమనం అందించడంతో పాటు..కీళ్ల సంబంధిత సమస్యలను కూడా తొలగిస్తుంది. ఈ పండ్లను తినడం వల్ల మెదడు పనితీరు కూడా మెరుగుపడుతుంది.
ఇంకా ముఖ్యంగా పిల్లలకు దానిమ్మ పండ్లు తరచు పెట్టడం వల్ల ఏకాగ్రత, జ్ఞాపకశక్తి కూడా పెరుగుతుందని నిపుణులు చెబుతున్నారు. దానిమ్మ పండును రోజుకు ఒకటి తింటే నెల రోజుల్లో రక్తం బాగా తయారవుతుంది. దీనివల్ల రక్తహీనత తగ్గి ఎల్లప్పుడూ యాక్టీవ్ గా ఉంటారు. ఈ పండు గుండెకు ఎంతో మేలు చేయడంతో పాటు..కొలెస్ట్రాల్‌, బీపీలను కూడా కంట్రోల్ చేస్తుంది.
